اضحك مع مبارك

موضوع: اضحك مع مبارك السبت أكتوبر 01, 2011 5:18 pm

[

فريد الديب : سيدى الرئيس
الرئيس المخلوع : نعم يا فريد
القاضى : مش انت يامخلوع

فريد الديب لمبارك : مهمتي إني أفضل أماطل في القضية ياريس لحد ما ييجي قضاء ربنا
مبارك: ما تقولش كده بعد الشر عليك

عقد الريس جلسة مع وزير الداخلية السابق حبيب العدلي قاله: منعت الحشيش يا فالح؟ أهو الشعب صحصح

أمنية واحد مصري: يا ريت مبارك كان ضربنا إحنا الضربة الجوية، وراح حكم إسرائيل 30 سنة، كان زمانهم بيشحتوا دلوقتي

قالوا لحبيب العادلي من اين لك هذا؟قال.هذا من فضل ربي رد الشيطان عليه و قال اه يا واطي يا ناكر الجميل

إخبرنى بصراحة يا نظيف ولا داعى للمجاملة أو النفاق -
أمرك يا ريس -
الريس : أنا الأفضل ولا عبدالناصر ؟-
نظيف : انت طبعا يا ريس .. جمال مين اللى كان بيخاف من الروس-
طيب أنا الأفضل ولا السادات ؟
نظيف : سادات مين ياريس اللى كان بيخاف من الأمريكان -
طيب أنا الأفضل ولا الشعراوى ؟ -
نظيف : انت طبعا يا ريس .. الشعراوى كان بيخاف من ربنا .. انت لأ ياريس

ههههههههههه

جمال مبارك في حالة هيسترية، يمسك بالكلابشات ويلوح بها
ويصيح: شقا عمري .. شقا عمري ضاع .. شقا عمري ضاع
زكريا عزمي: مش عيب ابن الرئيس مبارك مايعرفش أصول التخزين
فتحي سرور: التخزين كان من اختصاص الشاذلي وأمن الدولة
زكريا عزمي: في حد في الدنيا يحط شعب في صفيحة ويسيبه تلاتين سنة في مية مالحة
جمال مبارك: والعمل يازكريا؟
زكريا: يعوض عليك ربنا
جمال مبارك
الملاحة الملاااحة

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مبارك : عارف يا ابليس ياخويا, انا عاوز اعمل في الشعب المصري
حركه تطلع من نافوخهم
أبليس : طب هات ودنك وخد الفكره دي .....وش وش وش وش
مبارك : لالا يا ابليس الفكره دي مش نافعه , عاوز حاجه أشد
أبليس : طب خد دي ...... وش وش وش وش
مبارك : لالا , برضه مش نافعه , ايه يا ابليس انت بقيت خرع كده ليه , هات بقه ودنك وانا اقولك انا نويت اعمل فيهم ايه
وش وش وش وش وش
ابليس : لا يا راجل حرام عليك
------------------------------
واحد اتحشر في زحمة المرور فلقى واحد بيخبطله على شباك السيارة
فتح الشباك و سأله عايز ايه
قاله : الرئيس حسنى مبارك خطفوه و الفدية 5$مليون دولار
و لو الفدية ماتدفعتش .. الخاطفين هددوا يدلقوا
عليه بنزين و يولعوا فيه
و احنا بنجمع تبرعات .. تحب تشارك ؟
الرجل سأل: " و في المتوسط الناس بتتبرع بكام"
الرجل الثاني : جالون بنزين

أبليس شاف 3 ملايين بيصلوا في ميدان التحرير راح مصوت وقال الله يخرب بيتك يا مبارك بقالي 30 سنة أضلل فيهم وأنت بعماليك السودا دي تخليهم يتجمعوا ويصلوا ؟ وهتف مع المتظاهرين "يسقط يسقط حسني مبارك"!

الرئيس مبارك قال إنا خسارة في المصريين وتنحي وقرر إنه يرشح نفسه لرئاسة تونس، مما دفع ملايين التونسيين إلى المطالبة بعودة زين العابدين بن علي."

بعد ثورة مصر وتونس يوم الجمعة ، القذافي قرر إلغاء صلاة الجمعة في ليبيا !

مبارك بعد ما مات قابل السادات وعبد الناصر، سألوه: هاه؟ سم ولا منصة؟
رد عليهم بحرقة وقال: فيسبوك!

» اضحك مع الزملكاوية
» اضحك معانا
» اضحك من قلبك
» نكات الثورة .. الشيطان يهتف يسقط مبارك !
» اضحك ماحدش واخد منها حاجة